Unitate didaktiko digitalak: oinarriak, diseinua eta ebaluazioa

14.Jan - 21. Feb, 2019 Cod. @2-19

All events

Download pdf

Description

Ikastaro honek Nafarroako Gobernuko Hezkuntza Saileko eta Eusko Jaurlaritzako Hezkuntza Saileko Baliozkotzea izango du (1868170028 Kodea) unibertsitateaz kanpoko irakasleentzat.

Konpetentzia digitala asko entzuten ari den arloa da gaur egun; baina, askotan, ikuspegi instrumentala oinarri hartuta ulertzen dugu irakasleok. Konpetentzia honen ikuspegi pedagogikoa eta holistikoa oinarri hartuta, unitate didaktikoen diseinuan aritzea da ikastaro honen helburua. Horretarako gakoak landuko ditugu: gako didaktikoak, diseinua egiteko; gako tekno-pedagogikoak, tresna digitalen erabilera pedagogikoari buruz hausnartzeko; eta ebaluazio-gakoak, egindako lanari eta gure jardunari buruzko ikuspegi kritikoa garatu eta ikasten jarraitzeko.

-30 ordu 4 astetan zehar (astero 7-8 orduko dedikazioa)

-Hasiera: 2018/01/14 Bukaera: 2018/02/21

-Tarifa bakarra: 80 euro

-Hizkuntza ofiziala: euskara

Objectives

Konpetentzia digitalak ikas- eta irakas-prozesuetn duen garrantziaz jabetzea.

Unitate didaktiko digital bat zer den ulertzea.

Unitate didaktiko digitalak diseinatzeko eta ebaluatzeko autonomia garatzea.

Lankidetzan aritzea eta ikastea baloratzea.

Activity directed to

University students
Teachers

Program

15-01-2019 / 22-01-2019

Oinarri tekno-pedagogikoak eta diseinua

Oinarri tekno-pedagogikoak
Konpetentzia digitala
Unitate didaktiko digitalen diseinua

22-01-2019 / 29-01-2019

Konpetentzia digitalaren arabera sailkatutako erreferentziazko tresnak

Informazioa eta informazio-alfabetatzea lantzeko tresnak
Komunikazioa eta kolaborazioa lantzeko tresnak
Eduki digitala sortzeko tresnak

29-01-2019 / 05-02-2019

Talde-lana: unitate didaktiko digitalen diseinua

Taldeak egin
Unitate didaktiko digitalak diseinatzea

05-02-2019 / 12-02-2019

Talde-lana: unitate didaktiko digitalen materiala

Taldeka, egindako unitate didaktiko digitalen material digitala prestatu.

12-02-2019 / 19-02-2019

Unitate didaktiko digitalen ebaluazioa

Taldeka, egindako unitate didaktiko digitala aurkezteko bideo bat egin.
Ebaluazioa, errubrikan oinarrituta: autoebaluazioa eta koebaluazioa.

Directors

Amaia Arroyo Sagasta

HUHEZI - Mondragon Unibertsitatea, Irakaslea eta ikerlaria

Hezkuntza Bereziko Magisteritzan diplomatua (2004), IKTak formazioan aplikatuta masterduna (2006), Komunikazio eta Hezkuntza Sarean masterduna (2012), eta Komunikazioan eta Hezkuntzan doktorea (2017): Konpetentzia Digitala, Norbere Ikas-Alorra (NIA) eta Erakundearen Ikas-Alorra (EIA) dira bere ikerlerroak. Hainbat zereginetan ibili izan da: irakasle, aholkulari, editore, ikasmaterial-egile... baina teknologia digitalaren ikuspegi pedagogikoa da bere interesgunea, eta zeregin guztietan ardatz horri eusten saiatzen da. Gaur egun, Mondragon Unibertsitateko HUHEZI Fakultateko irakaslea eta ikerlaria da, KoLaborategiko kidea. Gainera, UEUk eta EHUk eskaintzen duten HEZikt graduondokoan irakaslea, koordinatzailea eta Batzorde Akademikoko kidea da.

Speakers

Josune Aranguren Mujika

Ikton

Legelari eta ekonomialaria da formakuntzaz (Deustuko unibertsitatea, 2005) eta profesionalki enpresa kudeaketara lotua egon da beti. Enpresa kudeaketan masterduna da (Mondragon unibertsitateko MBA, 2011). IKT ON Hezkuntza-aholkularitzako bazkide sortzailea da eta kontuen kudeaketaz arduratzen da batez ere, erakunde eta ikastetxeetako zuzendaritza taldeekin harremanetan. IKT ON-eko irakasle-taldearen koordinatzaile eta arduraduna da. Bere egitekoen artean gustukoen duena, ikastetxeetako formakuntza-plangintzak antolatu eta bertan eman beharreko formakuntza-saioak zuzentzea da.