Haur Hezkuntza: bizitzako oinarriak ehunduz

Haur Hezkuntzan diplomatua, Hizkuntzen Psikopedagogian lizentziatua eta entzumena eta mintzamenean aditua. Nire ibilbide profesionalean etapa eta eremu ezberdinetan lan egin dudan arren ( Gasteizko Haurreskoletan, Boiseko ikastolan, Nafarroako eta EAEko eskola publiko askotan ordezkapenak...). 2013. urtetik EAEko Berritzegune Nagusian nabil Haur Hezkuntzako aholkulari.

1975-09-30 jaioa. 3 seme-alabetatik bigarrena naiz. Olaberriko Joxe Mari eta Ordiziako Blancaren alaba naiz. Joxe Mari baserrikoa da eta Blanca kalekoa. Asko gustatzen zait kalean jolastea. Igande askotan , udaberri inguruan, Urbasara egun-pasa joateko ohitura daukagu. Mundiala da! Zapaburuak harrapatu, belarretan jolastu….Ekainean goizez klasea dugunean eta uztailean, gurasoak oporrak hartu bitartean, arratsalde askotan, Olaberriko baserrira joaten gara lehengusuekin jolastera. Lastotan salto, gerezik bildu eta mendian aldapan gora eta behera ibiltzen gara. Etxera zikin zikina iritsi eta dutxa bero bat hartu ostean , leher eginda lokartzen naiz. Gurasoak Ordiziako festak bukatu ostean hartzen dituzte oporrak eta Zarautzera joaten gara. Nire aitak, nahiz eta oporrak izan udan lanera joaten da. Bai baserrian eta bai kostaldean izugarri ondo pasatzen dut. Eskolara oso gustura joaten naiz. Handitan uste dut erizaina nahi dudala izan. Oso neska mugitua eta bihurria naiz. Eskolara gustur

 NIRE FAMILIA: Bortz lorek osatzen dugu gure lorategia: - Aitatxo Pello - Amatxo Tere - Pedro, anai xaharrena - Eugen, erdiko anaia - Ni, lore ttaiena  NIRE BIZITOKIA: Munduko herri politenean bizi naiz, plaza ondoan dagoen etxe handienean. Herritar gutti gaude herrian, denak elkarrekin ez genuke herriko frontoia beteko. Herritar baino ardi, behi eta txerri gehiago ditugu eta gutxitan bisitatzen gaitu eguzkiak.  LAGUNAK: Txema, Ana, Itziar eta Jexux dira herriko haur bakarrak eta zortea izan dugu: ederki moldatzen gara gure artean. Hobekien moldatzen naizen pertsonarekin haserretzen naiz gehien, Anarekin eta Txemak du bizikletarik politena. Udan gaueko hamaikak arte jostatzen gara kanpoan eta larunbata da nire asteko egunik gustukoena, egun osoa dugulako elkarrekin jostatzeko.  ZER NAHI DUT IZAN HANDITAN?: Amatxo izan nahi dut, baina ez nago ziur non ikasten den horretarako, argi dut Donostian, posible bada, ikasiko dudala. Andereño ere izan nahi dut, haurrak aunitz gustatzen zaizk