Eskola-Baratzeak eta horien erabilpen didaktikoa

Ikastaro honek Eusko Jaurlaritzako Hezkuntza Saileko Baliozkotzea izango du (1868170017 Kodea) unibertsitateaz kanpoko irakasleentzat.

Nafarroako Gobernuaren Hezkuntza Sailak irakasleen etengabeko prestakuntza gisa homologatzen du. 

- 60 ordu  (hilabetero 7-8 orduko dedikazioa)

- Hasiera: 2018/09/17 Bukaera: 2019/04/26

- Tarifa bakarra: 120 euro

- Hizkuntza ofiziala: euskara

Irakaskuntzaren metodologia: 

1/ Metodologia: Ikastaro praktikoa eta talde-lanekoa izango da batik bat. EAThink Eskola-Baratzea Liburuxkan eta EAThink Eskola-Baratzeen Agendan oinarrituta, parte-hartzaile bakoitzak bere eskolan, esperientzian eta beharretan oinarritutako ariketa praktikoak egingo ditu. Irakaslea ikasle guztien ariketen inguruko ekarpenak egiten joango da bakoitzak bere proiektu propioa hobetzen joateko. Ikasleen zalantzak eta beharrak ere erantzungo dira. Hau da, .

2/ Ikastaroaren antolaketa: Alderdi teorikoa izango du oinarri gisa baina batez ere praktikoa izango da ikastaroa, eta ikasle bakoitzaren behar eta esperientzien araberako jarraipena egingo da. Hilero irakasleak gai bat edo batzuk txertatuko ditu eta horren gainean ikasleek ariketa batzuk egin beharko dituzte (haien eskola-baratzean oinarrituta). Ariketen zuzenketa orokorrak egingo dira eta ikasleen aholkularitza eta jarraipena egingo da.

Ikasturte hasieran teoriak indar handiagoa hartuko du, gerora aholkularitzak eta jarraipenak indar handiagoa hartuz, ikasleen beharrak eta zalantzak ugarituko direlakoan.

• Teoria. Hainbat materialetan oinarrituko da: EHUko Udako ikastaroko grabaketa, EAThink Eskola-Baratzea liburuxka, EAThink Eskola-Baratze Agenda…
• Praktika-Ariketak. Ariketa praktikoak eta horien zuzenketak: non ipini baratzea, nola antolatu, nola erabili kaiera... 
• Praktika-Aholkularitza eta jarraipena: Ikastetxeetan sortzen diren galdera eta arazoen kontsulta egiteko hilabeteroko tartea.