Eskolan euskara ardatz: ertzak aztertzen

Pedagogian Lizentziaduna. Eskola Orientatzaile gisa hasi nintzen lanean 1983an. 1989an Hezkuntzako Euskara Teknikari moduan hasi nintzen, Nafarroako Gobernuko Hezkuntza Departamentuan. Han euskarazko ikastereduen erazpenarekin eta garapenarekin, curriculumarekin, hizkuntza-proiektuarekin, hizkuntzaren didaktikarekin eta irakasleen prestakuntzarekin erlazionatutako jardueretan aritzeko aukera izan nuen. 2001etik hona HN aholkulari lanetan ari naiz Irungo Berritzegunean. Bertan ikastetxearen hizkuntza normalizazioarako proiektua eta hizkuntza proiektua, hizkuntzaren curriculuma eta ikas-irakaskuntza izan dira lan eremurik ohikoenak 'Hezkuntza eta Hizkuntza Proiektuak' materiaren irakasle izan naiz Mondragon Unibertsitatearen EKOMU (Hezkuntza Testuinguru Multikultural eta Eleaniztunetan) masterrean. Azken ikasturte honetan 'Elkarhitz' eta Berbalapiko' proiektu pilotuetan parte hartzeko aukera izataen ari naiz.

Musika Hezkuntzan eta Haur Hezkuntzan diplomatua. Gradu Profesionala pianoko espezialitatean Gasteizko Jesus Guridi kontserbatorioan. Gaur egun Gasteizko Vera-Cruz ikastetxean irakasle. Bertan zuzendaritzan jardun dut eta baita hizkuntza proiektuan eta irakurketa planean ere. Etengabeko formazioan: azken 4 urteetan Project Zero proiektuaren barnean hainbat formazio jaso ditut: Alde batetik Iruñean Harvard-eko unibertsitateak antolatuta "Comprensión para un mundo complejo" eta bestetik TRILEMA enpresarekin batera PROJECT ZERO metodologiari lotutakoak 3 ikasturtez. Bestalde, irakurketa-idazketa, klaustroen antolaketa, eskola kudeaketa, ingelesa, Gela Aktibatuz, BAPNE, ORFF, ikaskuntza kooperatiboa eta bestelako formazioa ere jaso dut. Bestalde, Arnas Dezagun taldearen bozeramailea naiz eta haur euskaldunak ez sakabanatzeko lanean diardugu.

JOSU ETXABURU OSA - Ondarroan jaioa 1961ean - Magisteritza ikasketak Filologia alorrean. - Euskal Filologia ikasketak egina. - Ikastetxeen zuzendaritzan Graduondoa - Euskal Kulturan Graduondoa - Linguistikan Masterra IBILBIDE PROFESIONALA: - Irakaskuntza munduan ibilbide luzea: 32 urte - Ibilbide honetan, itunpeko ikastetxean, irakaskuntza kooperatiban eta Irakaskuntza Publikoan aritua - Azken 20 ikasturteak Elorrio Institutuan Euskara eta Teknologia irakasle gisa. - Urte betez Berritzegune Nagusian "Lidergoa eta Kalitatea ikastetxe publikoetan" lantaldeko arduraduna ZUZENDARITZAN IBILIBIDEA: - 3 urte Lea-Artibai Teknik Ikastetxeko Ikasketaburua. - 16 urte Elorrio Institutuko zuzendari - DANTZERTIko (Arte Dramatiko eta Dantza Goi Mailako Eskola) zuzendari BESTE ERANTZUKIZUN BATZUK: - 15urteetan BIHEko (Bigarren Hezkuntzako Ikastetxe Publikoetako Zuzendarien Elkartea) presidente. - 2 urteetan HEIZEko (Herri Ikastetxeetako Zuzendari/Zuzendaritza Taldeen Elkartea) presidente

Lehen Hezkuntzako maisua. Lan-ibilbidea: ○ 26 urte hezkuntzan (10 urte ikastolen sarean eta 16 sare publikoan) ○ Berritzeguneko aholkulari (3 urte) ○ Lehen Hezkuntzako tutorea

Es un joven sociolingüista que está haciendo su doctorado. Su carrera se ha centrado en la investigación sobre la revitalización y la sociolingüística de las lenguas minoritarias (tiene alrededor de 50 presentaciones y 30 publicaciones científicas) y se ha centrado en organizar actividades de sensibilización y promoción en estas dos áreas (como Hitz Adina Mintzo). Ha ganado el Concurso de Jóvenes Investigadoers de la Fundación Sancho el Sabio y la mejor presentación de póster en el Congreso de Humanidades IkerGazte 2, entre otros. Durante el año académico 2014-2015, obtuvo una matrícula de honor en el master MA Language Support and Revitalization de la Universidad SOAS de Londres.

Berrikuntza eta esku-hartzea testuinguru kulturanitz eta eleanitzetan taldeko ikerlaria da Eneritz Garro Mondragon Unibertsitatean. Irakasle ikerlari honek Euskal Filologia ikasketak EHUn 1998an burutu eta doktore tesia aurkeztu zuen (EHU-UPV 2007 “(Euskal Filologia eta Linguistika, Jendaurreko debateak euskaraz. Diskurtso erreferituaren azterketa”). Mondragon Unibertsitatean, Humanitate eta Hezkuntza Zientzietako Fakultateko Hizkuntza eta Literatura gunean ari da. Didáctica de la lengua y la literatura irakasten du.

Deustuko Unibertsitatean Ingeles filologian lizentziatu nintzen 1998an eta ondoren, 2007an, EHUko Euskal Filologia eta Hizkuntzalaritza programan doktorego tesia defendatu nuen (Ergatiboaren jabekuntza: ikerketa esperimental bat eta beraren emaitzak). Ordutik 2021era Begoñako Andra Mari Irakasleen Unibertsitate Eskolan Hizkuntza eta Literaturaren Didaktika Saileko irakaslea izan naiz. Aholkularitza lanetan ere ibili naiz, Haur Hezkuntzan ahozko adierazpenaren eta ulermenaren inguruan eta Lehen Hezkuntzan irakurriaren ulermenean, batez ere. Aurten, berriz, EHUko Bilboko Hezkuntza Fakultatean aritu naiz irakasle eta ikerlari. ELEBILAB (Elebitasunaren Laborategia) ikerketa taldeko kidea ere banaiz.

Zientzia Fisikoetan lizentziatua, Astrofisika espezialitatean, Madrilgo Universidad Complutensean, 1990ean. Bigarren Hezkuntzako irakaslea 1991tik aurrera, EAEko irakaskuntza publikoan. Arrigorriaga BHIko Matematika eta Teknologia irakaslea 1997tik 2018ra. Arrigorriaga BHIko Hizkuntza Normalizazioko arduradun teknikoa 2001etik 2008ra. Arrigorriaga BHIko ikasketa burua 2008tik 2012ra. Basauri-Galdakaoko Berritzeguneko Hizkuntza Normalizazioko aholkularia 2013tik 2016ra. Berritzegune Nagusiko Hizkuntzaren Normalizazioko Programaren arduraduna 2019tik gaurdaino.

Bergaran jaioa, 1983an Magisteritza eta Psikopedagogia HUHEZIN eginak. 17 urte irakasle lanetan eta Bergarako Mariaren Lagundia Ikastolan azken 7 urtetan. Irakasle lana egiteaz gain, Hizkuntza Normalizazioko arduradun Teknikaria izandakoa, Eleaniztasun proiektuaren gidari, Pedagogia Batzordeko kide gaur egun eta Urrezko Txantxangorriko talde motorraren kide izan da. TBL (Thinking Based Learning) Teacher eta Coach ziurtagiriak lortu zituen 2019an Robert Swartzen gidaritzapean eta gehitzeko, i(ra)kaskuntza esanguratsuaren eta unibertsalean murgildua dagoela esango genuke.

Euskal Hizkuntza eta Literaturako irakaslea. Zenbait urtez EIBZn ahokulari lanetan aritutakoa eta Altsasu BHIn Ahozkotasuna proiektuko koordinatzaileetako bat. Gaur egun, Altsasu BHIko zuzendari.

Inma Muñoa Barredo (Donostia, 1967). Deustuko Unibertsitatean Euskal Filologia ikasi ondoren, Soziolinguistikaren inguruko gradu ondoko ikasketak egin zituen EEBBetan (University of Illinois at Urbana-Champaign). 2001 urtean Ikastolen Elkartearen Eleanitz proiektuan hasi zen lanean, eta gaur egun “Hizkuntz Egitasmoak” taldeko kidea da Ikastolen Elkartean.

Urretxun jaioa, 1975ean, Ingeles Filogia ikasketak EHUn Gasteizen eginak. 22 urte irakasle lanetan, azken 19ak Mariaren Lagundia Ikastolan. Zuzendaritzako kide izan da azken 12 urtetan eta darrai. Irakasle lana egiteaz gain, Hizkuntza Normalizazioko arduradun Teknikaria izandakoa, Pedagogia Batzordearen buru gaur egun eta Urrezko Txantxangorriko talde motorraren kide izandakoa da. TBL (Thinking Based Learning) Teacher eta Coach ziurtagiriak lortu zituen 2019an Robert Swartzen gidaritzapean eta gehitzeko, i(ra)kaskuntza esanguratsuaren eta unibertsalean murgildua dagoela esango genuke.

Soziologia eta Zientzia Politikoetan Lizentziatua (Deustuko Unibertsitatea, 1989). Hizkuntza-Plangintza Graduondoko Unibertsitate-Diplomatua (EHU, 1994). “Adimen-gaitasun handiko ikasleen diagnostikoan eta heziketan” Unibertsitate-aditu titulua (UNED, 2011). 2006an hasi nintzen Euskararen Irakaskuntzarako Baliabide Zentroan (EIBZ, Nafarroako Gobernua, Hezkuntza Departamentua) jarduneko irakasleen prestatzaile gisa zenbait formazio sortu eta ematen. Batez ere, honako arlotan aritzen naiz: ikasleen ahozko komunikazio-gaitasunean, ikasleen hizkuntzarekiko motibazioan eta adimen-gaitasun handiko ikasleen arretan. Prestakuntzaz gain, irakasleei baliabideak eta laguntza eskaini behar zaiela sinetsita nago eta horregatik sortu ditugu "Ahozko hizkuntza irakastea" webgunea eta "Motibazioa Sustatzeko Baliabideak" bloga. Arlo horiek ikerketarekin lotzea beharrezkoa dela pentsatuta, DBHko ikasleen hizkuntza-atxikimendua hobetzeko ikerketa eta esku-hartzea burutu genuen 2016an. Adimen-gaitasun handikoen gaiarekin lotuta koblog pertsonala: https://adimengaitasunhandiak.eus/ Twitter kontua: @yolarbizu

Berrikuntza eta esku-hartzea testuinguru kulturanitz eta eleanitzetan taldeko ikerlaria da Mondragon Unibertsitatean. Irakasle ikerlari honek Deustuko Unibertsitatean, euskal Filologia ikasketak burutu (1989), Itzulpengintza masterra egin (EHU,1999) eta doktore tesia aurkeztu zuen Mondragon Unibertsitatean (2014). Egun, Mondragon Unibertsitateko Humanitate eta Hezkuntza Zientzien Fakultatean, Hizkuntza eta Literatura gunean dihardu hizkuntzaren eta literaturaren didaktikan. Bere lan ibilbidean hainbat artikulu idatzi eta proiektu bideratu ditu Esteka honetan ikusgai: https://www.mondragon.edu/eu/ikerketa-transferentzia/berrikuntza-hezkuntzan/ikerketa-transferentzia-taldeak/-/mu-inv-mapping/ikertzaile/karmele-perez-lizarralde

Hizkuntza Ikerketa eta Koordinaziorako Zuzendaria Eusko Jaurlaritzan. Euskal Filologian lizentziatua (EHU, 2002), Hizkuntzen aditu titulua eskuratua (Mondragon Unibertsitatea, 2005) eta Euskal ikasketetan doktorego programa eta ikerketa gaitasuna burutua (EHU, 2008). Lan ibilbidean, euskara eta bere irakaskuntzaren alorra landu du, batez ere: helduen euskalduntzean euskara irakasle eta trebatzaile (AEK eta udal euskaltegiak, 1999-2004); Euskara Biziberritzeko planetan aholkulari (Azpeitiko euskara patronatua, 2004-2005), eta Mondragon Unibertsitatean irakasle (HUHEZI fakultatea, 2004-2008 eta 2012-2014). Ikerketari dagokionez, HIJE taldeko (Hizkuntzaren jabekuntza eta erabilera) eta Eusko Ikaskuntzako Hezkuntza saileko partaide ere bada, eta Soziolinguistika Klusterrean ahozkotasunari buruzko ikerketa eta formazio ezberdinak gauzatu ditu. Hizkuntza Ikerketa eta Koordinaziorako Zuzendari lanetan dihardu egun Eusko Jaurlaritzan.

Eider Saragueta es profesora e investigadora en el departamento de Ciencias de la Educación de la Facultad de Educación, Filosofía y Antropología de la Universidad del País Vasco (UPV/EHU). Ha participado en numerosas conferencias internacionales en el ámbito del multilingüismo y educación y ha publicado su trabajo en revistas nacionales e internacionales. Estudio Magisterio, se licenció en Antropología Social y Cultural y realizó el Master Europeo de Multilingüismo y Educación (EMME) en la Euskal Herriko Unibertsitatea (UPV/EHU). En el 2019 presento su tesis dirigida por Jasone Cenoz “Translanguaging hezkuntza-eleaniztunean. Ikerketa etnografiko bat” (Translanguaging en la educación multilingüe. Un estudio etnográfico). Sus principales líneas de investigación son: la utilización del euskera, la identidad y el análisis del translanguaging dentro del aula del alumnado de primaria, desde el punto de vista de la etnografía del aula.