Berri guztiak

Iraupen luzeko online ikastaroetarako izen-ematea zabalik

Martxoaren hasieran abiatu eta hilabeteko iraupena izango duten hiru online ikastaroren eskaintza zabaldu berri du UIKk. Hezkuntzari lotutako bi ikastaro izango dira: hezkuntza zientifikoari eta funtsezko gaitasunei buruzkoa bata eta lehen hezkuntza eta haur-hezkuntzarako programazio didaktiko praktikoari buruzkoa bigarrena. Hirugarren ikastaroa ikerketa biomedikoaren kontrol etikoari buruzkoa izango da.

Hezkuntza zientifikoa eta funtsezko gaitasunak. Ikastetxeko STEAM plana online ikastaroa martxoaren 3an hasi eta apirilaren 6 bitartean luzatuko da. Ikastaroan Lehen Hezkuntzako eta Bigarren Hezkuntzako irakasleak eta etorkizuneko irakasleak elkartu nahi dira. Hezkuntza zientifikoa eraldatzeko eta ikasgeletan funtsezko konpetentziak praktika didaktikoan txertatzeko jarduteko modu eraginkorrei buruz hausnartu, eztabaidatu eta ideiak partekatuko dira María Elvira González Aguadok zuzenduriko ikastaroan. Gazteleraz eskainiko da.

Martxoaren 3an abiatuko da, baita ere, Ikerketa biomedikoaren kontrol etikoa. Praktika kliniko egokirako arauak (BPC). 2025 izenburua daraman online ikastaroa eta martxoaren 31n amaituko da. Eusko Jaurlaritzako Iciar Alfonso Farnósek zuzenduriko ikastaroan, zuzendaria bera, Guillermo Alcalde Bezhold eta María Rodríguez Velasco izango dira irakasleak. Ikastaroa gazteleraz eskainiko da eta saiakuntza klinikoetako eta ikerketa biomedikoko beste proiektu batzuetako printzipio etikoak, aplikatu beharreko araudia eta jardunbide kliniko egokien arauak zabaltzea izango dira helburu nagusiak.

Martxoaren 12tik apirilaren 9a bitartean Nola egin programazio didaktiko praktikoa lehen hezkuntzan eta haur-hezkuntzan: planak, proiektuak eta protokoloak online ikastaroa egiteko aukera izango da. Naroa García Román eta Monika Uriarte Portell dira ikastaroaren zuzendariak eta irakasleak. Euskaraz zein gazteleraz garatuko da.

Ikastaro bakoitzaren balio akademikoa 30 ordukoa da ( ECTS). Iraupen luzeko on line ikastaroak izanik, ez dute ordutegi zehatzik. Metodologiari buruzko argibideak ikastaro bakoitzaren fitxan zehazten dira.

Izen-ematea zabalik izango da ikastaroaren hasiera egunera arte eta matrikula prezioak ikastaro bakoitzaren fitxan dira eskuragarri.

Edozein argibide behar izanez gero: