Empoderamiento de mujeres supervivientes de violencia machista desde la intervención social

Indarkeria matxista arazo estruktural eta globaltzat hartzen da eta, emakume batzuk bizirik irtetea lortzen badute ere, milaka biktima sortzen ditu urtero. Horregatik, hainbat teorialari feministek matxismoa terrorismo mota bezala ere kontsideratu izan dute. Munduko Osasun Erakundearen arabera (2021), gutxi gorabehera emakumeen % 30ek bikotekidearen indarkeria edo beste pertsona baten sexu-indarkeria pairatu izan du bizitzako uneren batean.

Honako ikastaro hau lau gaitan dago banatuta. Bat eta bi gaiak indarkeriaren sorreraren eta Espainiako Estatuko egungo legeen ingurukoak dira, hurrenez hurren. Lehenengoan, ikuspuntu feminista batetik indarkeria matxistaren jatorria landuko da, egun existitzen diren indarkeria motak eta indarkeria horien garapena eta mantentzea. Horretarako, besteak beste Sermanen Eredu Ekologikoa (2009), Bosch eta Ferreren Eredu Piramidala (2013) eta Walkerren Indarkeriaren Zikloa (1979) hartuko ditugu oinarri. Horrez gain, indarkeria pairatu eta bizirautea lortzen duten emakumeekiko eta haien seme-alabekiko dituen ondorio fisikoak, psikologikoak eta sozialak aztertuko dira, zenbait emakumek migratzaileak, adinez helduak edo dibertsitate funtzionala dutenak izatearren dituzten zailtasun gehigarriak kontuan hartuta. Era berean, lehenengo gai horretan indarkeriatik ateratzeko prozesua nolakoa den ikusiko da. Arreta berezia jarriko da emakumeek erabiltzen dituzten taktiketan eta erresistentzia ekintzetan.

Bigarrean astean, aipamena egingo zaio Genero Indarkeriaren aurkako Babes Integraleko Neurriei buruzko abenduaren 28ko 1/2004 Lege Organikoari, eta baita Emakueen eta Gizonen Berdintasunerako martxoaren 22ko 3/2007 Lege Organikoa edo Genero eta Etxeko Indarkeriaren Kodea bezalako legeei ere.

Ikastaroaren bigarren zatian, berriz, emakumeen ahalduntzea landuko da. Gaia emakumeen ahalduntzeari buruzkoa izango da, boterearekin zein feminismoarekin dituen loturak. Izan ere, genero-indarkeria pairatu eta bizirautea lortu duten emakumeen ahalduntzeaz dihardugunean, banakakoen zein kolektiboaren ahalduntzeaz ari gara, autoestimaz zein norberak bere burua ikusteko moduaz eta elkartasun zein adiskidantza sareak garatzeaz.

Azkenik, laugarren gaiean, ikuspuntu integral batetik emakumeen ahalduntzea sustatzeko lan-tresnak eta gaitasunak irakatsiko dira. Adibideen eta praktiken bidez, komunitate-programak eta promaga sozialak sortzeko trebakuntza eskainiko da.