Jardun biko enpresa, enpresa-kudeaketarako paradigma berria

Iker Estensorok Industria Antolakuntzan Ingenieria da Mondragon Unibertsitatean eta Management of Competitive Manufacturing Masterra dauka University of Strathclyden. Bere ibilbide profesionala IK4 IKERLAN-en hasi zuen teknikari gisa, baina bere karrera profesionala ORKLI S.Coop.-an garatu du, bertan kalitateko arduradun modura hasi eta produkzio arduradun izatera pasa zelarik. 2009 urtea geroztik ORKLIko Key Account Manager izan da. Azken bi urteotan ORKLIko lehendakaria izan da, kargu hau beste erakunde batzuetako lehendakari eta kontseilu errektoreko ordezkaritzarekin partekatu duelarik; ala nola IK4 Lortek, Mondragon Componentes, Goierri Goi Maila Eskola, Goilan Fundazioa, San Benito Ikastola eta ACEDE elkartea. Gaur egun, Gipuzkoako Foru Aldundiko Ekonomia Sustapena, Turismo eta Landa Eremuko, Ekonomia Sustapeneko zuzendari nagusi da.

Marie Carpenter estrategia irakaslea da Parisko Institut Mines-Telecom Business School institutuan. Dublin City University-ko doktorea da, eta EHESSko doktoretza du. Marie Carpenter The Academic-Industry Research Network—theAIRnet erakundeko presidenteordea da. Irabazi asmorik gabeko erakunde horrek industria berrikuntzarekin eta garapen ekonomikoarekin lotutako gaiak ikertzen ditu. Marie Carpenterrek azterlan sektorialak egiten ditu, goi-mailako teknologiako industrietako berrikuntza prozesuak ulertzeko. 2022ko Enpresa Historiaren Konferentzian, Trescott Sarirako izendatu zuten, enpresa historiaren eta teknologiaren historiaren elkargunean egindako lan onenari dagokion atalean. Bere lanak frantsesez eta ingelesez argitaratu dira kudeaketako nazioarteko aldizkarietan, hala nola Harvard Business Review aldizkarian.

Berrikuntza eta Estrategiako irakaslea International Institute for Management Development-IMD Institutuan (Lausana eta Singapur). Rotterdameko Erasmus Unibertsitatean doktoratu zen (Rotterdam School of Management). IMDn sartu aurretik, irakasle aritu zen Zhejiangeko Unibertsitatean (Txina) eta Rotterdam School of Management delakoan (Holanda). Mark ikertzaile elkartua da Txinako Berrikuntzaren Kudeaketarako Institutu Nazionalean, Txinarako eta Globalizaziorako Zentroan eta I+G eta Berrikuntza globalerako Zentroan. Bere ikerketaren emaitzak nazioarteko aldizkari akademikoetan agertu dira, hala nola Harvard Business Review, MIT Sloan Management Review, European Management Journal eta Asia-Pacific Journal of Management, eta baita mundu mailako komunikabideetan ere, besteak beste, Forbes, The Financial Times, CNN, eta Bloomberg aldizkarietan. Mark Greeven 2017 Thinkers50 zerrendan ageri da, zeina hurrengo belaunaldiko 30 pentsalari enpresarialen radarra baita, eta Financial Timesen arabera, enpresa pentsamenduaren Óscar saritzat har daitezke.

Zientzia Fisikoetako lizentziatura ikasi zuen Tolosako Paul Sabatier Unibertsitatean (Frantzia), eta Zientzia Fisikoetako doktoregoa, automatikako espezialitatean, CNRSko LAAS laborategian (Tolosa). LKS CONSULTORES enpresako Prozesuen eta Teknologiaren arloko zuzendaria eta LKS S COOP enpresako I+Gko zuzendaria izan da, eta erakunde publiko eta pribatuen kudeaketari buruzko ikerketa-proiektuen buru izan da. Gaur egun, ISEA S COOP MONDRAGON Korporazioko Ingeniaritza eta Zerbitzuen Dibisioko Garapen Teknologikoko, Berrikuntzako eta Ekintzailetzako Zentroko zuzendari kudeatzailea da.

Industria ingeniaria Kataluniako Unibertsitate Politeknikoan eta Sistema-ingeniaria Fujitsu Limitedeko Unibertsitatean, Tokion (Japonia). Negozio eskola nagusietako irakasle gonbidatua. Nabarmentzekoak dira Massachusetts Institute of Technology (MIT); Singapurreko Unibertsitate Nazionala (NUS), Asiako unibertsitaterik onena; eta "Oxford Scenarios Planning Approach" programa ospetsua. Harvardek argitaratutako azterlan batean, aipamen hau egiten da: "Urarte irakasleak, azken ikerketetan, azken bost urteetako enpresen munduari buruzko ideia berritzaile, fresko eta disruptiboenak aurkezten ditu, eta horrek ezinbesteko erreferente bihurtzen du gertatzen ari dena eta gertatuko den ulertzeko". FORBES aldizkariak, 2021eko ekainean, Espainiako "futurista" nagusietako bat dela adierazi du. IFTFko kidea (Institute for the Future). Erromako Klubeko, Erresuma Batuko "International Institute for Strategic Studies (IISS)" institutuko eta Elcano Institutuko Think Tank taldeetako kide da. Aholkulari estrategiko eta antolatzailea da Espainiako eta Latinoamerikako 100 erakunde publiko eta pribatu baino gehiagotan. Zenbait konpainia ospetsutako aholkulari eta administrazio kontseilutan parte hartzen du, kontseilari independente gisa.