Jendaurreko euskarazko komunikazioa: praktikatik ikasten

Soziologian lizentziatua Euskal Herriko Unibertsitatean eta Hizkuntza-plangintzan unibertsitateko espezialista (HIZNET). Soziolinguistika Klusterrean dihardu euskara biziberritzeko ikerketa, garapen eta berrikuntza proiektuetan. Landutako gaien artean daude gazteen hizkuntza-erabilera, behaketa bidez hizkuntza-erabilera neurtzeko metodologiak eta hizkuntza-erabilera eta komunikazio irizpideen arteko harremana, besteak beste.

Eduardo Apodaka (Bilbo, 1965). Filosofian lizentziaduna eta Soziologian doktorea da, biak Euskal Herriko Unibertsitatean. EHUko Gizarte Psikologia eta Portaera Zientzien Metodologia Saileko irakaslea da. Bere ikergai nagusiak hauek dira: identitatea, psikologizazioa, indibidualizazioa, botere-harremanak, agintearen legitimazioa, hizkuntza- praktikak...

Eduardo Apodaka Filosofian lizentziatu eta Soziologian doktoratu zen Euskal herriko Unibertsitatean. Bertan egiten du lan Gizarte Psikologia arloan eta jakintza arlo horretatik ikertu eta landu ditu hainbat gai: identitate pertsonala eta sozialak, gaurko gizarteen psikologizazioa, boterearen legitimazioa, euskal identitatea eta abar. Lan horien emaitza dira argitaratu ditu liburu eta artikuluak, besteak beste: Komunikazioaren Gizarte Piskologia (UEU, 2004), El poder en busca de autoridad (Educa, 2009), Norberaren autonomia krisian (Pamiela, 2012), Identitatea eta anomalia (Pamiela, 2015).

Marketing eta gestio komertzialan lizenziatua. Kaikun 10 urte marketing departamentuan lanean Kaiku Km0 taldean, besteak beste, euskarazko komunikazioaren arloan.

Kazetaritzan lizentziatua Euskal Herriko Unibertsitatean eta edukien analisien masterra unibertsitate berberean. Egun Athletic Clubeko prentsa arduraduna da, 2001az geroztik eta kluba ordezkatzen du “Jendaurrean erabili” euskararen erabilera sustatzeko ekimenean. Ibilbide profesionalari dagokionez, lan egin du honako hedabideetan, besteak beste, bai lantaldean, bai kolaboratzaile moduan: Erreka Irratia, Hemen astekaria, Punto y Hora astekaria, Egin (1986-1998), Euskadi Irratia, Euskal Telebista, El Iturrista, Mundo Deportivo, Euskaldunon Egunkaria eta Gara (1998-2001). “Euskal Herriko futbolaren historia” lan entziklopedikoaren zuzendaria eta egileetako bat, futbolaren inguruko hainbat liburu idatzi du.

Kazetaritzan lizentziatua, 10 urtez kazetari gisa komunikabideetan jardun ondoren, nazioarteko landa garapen sare bateko komunikazioan aritua. Gaur egun Gipuzkoako Foru Aldundiko komunikazio taldeko kidea.

Euskadi Irratiko kirol esataria. Zumaian jaioa eta Zumaian bizi. Euskal Filolojian lizentziatua 1986tik Euskadi Irratian lanean. Kirola pasio eta kirola jarraitzea eta kirola euskeraz lantzea ogibide. Kirol guztietatik Txirrindularitza da gehien maite dudan kirola. Marino Lejarretaren biografiaren, “Hamalau ahaleginetako poza” egilea Ramon Etxezarretarekin batera.

Euskalgilea, batez ere toki komunikabideetan aritua, kudeaketa eta sustapen lanetan (Arrasate Komunikabideak, EITB, Goiena, TOKIKOM). Euskaltzaleen Topaguneko presidente izana da eta Gipuzkoako Foru Aldundian Hizkuntza Berdintasuneko zuzendari. Kargu honetan bultzatu zuen Gipuzkoa Berdinago ekimena, Jendaurrean erabili ikerketaren baitan.

Guggenheim Bilbao Museoko Komunikazio Koordinatzailea da. Artearen Historia Lizentzia (2005) eta Informazio zientzien lizentzia, kazetaritzako espezialitatearekin (1989) lortu zituen UPV-EHUn. Ikus-entzunezko Komunikazioko doktoretza eta Zinema eta telebistarako errealizazio, gidoigintza eta produkzio masterra egin ditu ere. Lan-esperientzia zabala zeukan irratian, zineman eta telebistan Guggenheim Bilbao Museoko Komunikazio eta Irudi arloan lanean hasi aurretik. EITBn bost urtez aritu zen gidoilari eta produkzio lanetan bertako produkzioetan nahiz emanaldietarako loturetan.

Informazio Zientzietan lizentziatua EHUtik. Masterra Enpresa kooperatiboen zuzendaritzan, Mondragon Unibertsitatetik. Lanean AZK agentzian hasi eta handik Mondragon talde kooperatibora pasa zen 1990. urtean. Bertan barne komunikazioa landu izan du. TU Lankide aldizkariaren zuzendaria da eta 2010tik hona Kanpo komunikazioaz ere arduratzen da.

Kazetaritzan lizentziatu zen, Nafarroako Unibertsitatean. Hamar urte baino gehiago eman ditu hainbat hedabideetan lanean, El Mundo, Deia, Diario de Noticias de Álava eta Noticias de Gipuzkoa egunkarietan kasu. Azken horretan, kulturari buruzko atalaren arduradun izan zen, eta zazpi urtez Zinemaldiari buruzko informazioa emateaz arduratu zen. Halaber, Zinemaldiko aldizkaria idazten lan egin du. Lanpostu honetan hasi aurretik, Europako Kultur Hiriburutzaren Donostia 2016 Fundazioko kultura-egitarauaren zuzendariaren alboko zen. Lagun liburudendaren 50. urteurrenari buruzko antzezlanaren gidoia egin du eta film laburren aukeraketan parte hartu du Kimuak-en, film laburrak nazioartean sustatu eta banatzeko Eusko Jaurlaritzaren programan (2018).

Zumarraga, 1978. Kazetaritzan lizentziatua Euskal Herriko Unibertsitatean. Hainbat urtez kazetaritza lanetan aritua, batez ere Euskaldunon Egunkarian eta Berrian. 2005. urtetik ELA sindikatuko komunikazio departamenduan dihardu. Sindikatuko Euskara Batzordeko kide ere bada.

Informazio Zientzietan lizentziaduna (Kazetaritza espezialitatean) “El escenario económico internacional: cambios e implicaciones en los problemas de desarrollo” doktorego programa eta Komunikazio Korporatiboko Masterra Euskal Herriko Unibertsitatean. Getxoko Udaleko Komunikazio sailean lanean, komunikazio mota desberdinak lantzen, horien artean prentsa oharrak, prentsaurrekoak, Getxoberri, udal irratia, hedabideekiko harremanak eta gizarte sareak

Doktore da (2014-12-3), Komunikazioan. Ikus-entzunezko euskal itzulpengintzaren inguruan egin du tesia, EHUn. 2011tik irakasle da EHUn; aurretik, zazpi urtez irakatsi zuen Mondragon Unibertsitatean. Unibertsitatean sartu baino lehen, euskal hedabideetan aritu zen lanean: 25 urtez, EITBrako ikus-entzunezko itzultzaile-egokitzaile gisa; telebistan, barne produkzioko serieetan, aktoreen hizkera zaintzen (Duplex, Martin, Goenkale…), eta prentsan, zuzentzaile (Euskaldunon Egunkaria, Berria). Urte horien fruitu dira ikus-entzunezko hizketa moldeei buruzko tesia eta hainbat argitalpen zientifiko, eta prentsarako estilo liburuak (Euskaldunon Egunkaria, Berria). Berria Taldeko Administrazio Kontseiluko kide da 2011ko ekainetik, eta presidentea, 2013ko ekainetik.

Jon Zarate Sesma (Lekeitio, 1979) UPV/EHUko Farmazia eta Elikagaien Zientziak Saileko kide da. Farmazia Fakultateko irakaslea da eta Euskararen eta Etengabeko Prestakuntzaren arloko errektoreordea. Farmazian doktorea da (UPV/EHU, 2007) eta 2016ko osasun-arloko Koldo Mitxelena euskarazko tesi onenaren zuzendaria izan da. Azken urteetan gene terapiarako garraiatzaile ez-biralen garapenean ikertzen aritu da. Goi mailako nazioarteko ikerketa aldizkarietan 20 artikulutik gora dauzka argitaratuta eta euskarazko produkzioa zientifikoa ere nazioartekoaren parekoa dauka Ekaia edo Elhuyar bezalako aldizkarietan.

Gara egunkariko zuzendaria da 2011ko urtarrilaren 30etik. Ordura arte, egunkari bereko iritzi saileko arduraduna izan zen. Ikasketaz, filosofian lizentziaduna da, eta ildo horretan lan batzuk idatzi ditu, Miguel Unamunoren biografia bat, esaterako. (Iturria: Wikipedia)