Néstor Basterretxearen ondare dokumentalaren hurbilketa bat

Elena Roseras Carcedo Geografia eta Historiako lizentziaduna da Euskal Herriko Unibertsitatean, Dokumentazio lizentziaduna UOCen (Universitat Oberta de Catalunya), EHUko Bibliotekonomian masterra eta UOCek emandako Informazioaren eta Ezagutzaren Gizarteko masterra. Sancho el Sabio Fundazioa eta Liburu eta Liburutegi Zerbitzua bezalako erakundeetan lan egin du Eusko Jaurlaritzako Kultura Ondarearen Zuzendaritzan. 2001az geroztik, Artium Museoa Euskal Herriko Arte Garaikidearen Museoko liburutegiaren eta dokumentazio-zentroaren arduraduna da. Artium Museoko taldekide gisa, Arte Garaikideko Dokumentazio Zentroen Topaketak antolatu eta koordinatzen ditu 2002. urtetik. Hainbat erakusketa bibliografiko komisariatu ditu eta liburuarekin eta irakurketarekin lotutako programak koordinatu ditu. Halaber, museoko bildumako eta erakusketa-programetako artisten artxiboak eta dokumentu funtsak kudeatzen eta koordinatzen ditu. Hainbat artikulu idatzi ditu argitalpen espezializatuetan, eta nazioarteko hainbat biltzarretan parte hartu du hizlari gisa.

Miren Barandiaran Contreras (Beasain, 1974) 1997an lizentziatu zen Geografia eta Historian Deustuko Unibertsitatean (Donostiako egoitza). Kultur Baliabideen Kudeaketa eta Kultura Ondarearen, Historiaren eta Identitatearen Azterketa Aurreratuak bezalako graduondokoak egitearekin batera, hamar urtez ikerketa historikoan lan egin zuen, hainbat liburu eta artikulu idatzi zituen, gehienak Euskal Herriko historia politiko garaikideari buruzkoak, eta erakusketen antolaketan ere parte hartu zuen. Bere lanbidetik gehien gustatzen zitzaiona liburutegietara eta artxiboetara joatea zen, eta horrek beste aldera salto egitera eraman zuen. Orduan hasi zen artxibogintzan, bibliotekonomian eta informazioaren kudeaketan trebatzen, eta 2007an Lazkaoko Beneditarren Liburutegi eta Artxiboan sartu zen, bere bildumak antolatu eta deskribatuz. Euskadiko Artxibo, Liburutegi eta Dokumentazio Zentroetako Profesionalen Elkarteko Zuzendaritza Batzordeko kide ere izan zen, eta diruzain bi legealditan. 2011tik Lazkaoko Beneditarren Fundazioko arduraduna da eta patronatuko idazkaria ere bada.

Filosofia eta Letretan lizentziatua, Geografia eta Historia espezialitatea. Artxibistikako masterra, Euskal Herriko Unibertsitateko graduondoko berezko titulua. Euskal Autonomia Erkidegoko Administrazio Orokorreko eta Erakunde Administrazioko Artxibozain, Liburuzain eta Dokumentalisten Goi Mailako Teknikarien Kidegoko funtzionarioa. Gaur egun, Euskadiko Liburutegi Digitalaren Zerbitzuaren arduraduna da.

Artearen Historian lizentziatu zen Madrilgo Unibertsitate Konplutentsean, eta Kultura Ministerioko Artxiboen Informazio eta Dokumentazio Zentroan hasi zuen bere karrera dokumentalista. El País egunkariko dokumentazio-zentroko Ekonomia eta Lan arloko arduraduna, Ezagutzaren Gestioko saila zuzentzen hasi zen Madrilen dagoen The Boston Consulting Group (BCG) aholkularitza-enpresa multinazionalaren bulegoan. Dokumentazio eta Informazio Zientifikoaren Espainiako Elkarteko (SEDIC) zuzendaritza batzordeko kide izan zen. Elkarte horretan, dokumentazio ikastaroak eman zituen komunikabideetan. Ezagutzaren Gestioko irakasle aholkularia izan zen Universitat Oberta de Catalunyan (UOC) eta San Pablo CEU fundazioan. 2003an, Nafarroara joan zen Oteiza Museoko Ikasketa Zentroa martxan jartzeko. Gaur egun, zentro horren arduraduna da. 2013az geroztik, artearen historiari buruzko ikastaroak ematen ditu Urrutiko Hezkuntzarako Unibertsitate Nazionalaren (UNED) hainbat egoitzatan eta beste kultura-zentro batzuetan.

Donostian jaio zen, 1965ean. Geografia eta Historiako lizentziaduna da, Musikologiako espezialitatekoa, Oviedoko Unibertsitatean. 1991n, ERESBILeko Euskal Musikaren Artxiboko (Errenteria – Gipuzkoa) teknikari dokumentalista postua eskuratu zuen, eta, horri esker, musikologo gisa garatu ditu bere bi arloak, eta modu profesionalean lantzea dokumentuen tratamendua. Bere ikerketa-lanaren artean, Musiker, Kantuz eta Dantzariak aldizkarietan, besteak beste, musikaren inguruko artikuluak argitaratzea azpimarratu behar da. Artxiboei dagokienez, azpimarratzekoa da liburutegi eta dokumentazio arloan ikastaro espezializatuak egiteko eta antolatzeko inplikazioa izan duela, eta lankidetza aktiboa izan duela AEDOM (Musika Dokumentazioaren Espainiako Elkartea), IAML (Musika Liburutegien Nazioarteko Elkartea) eta ALDEE (Euskadiko Liburuzain eta Artxibozainen Elkartea) bezalako elkarte profesionaletan. 2020. urtean zuzendari kargua hartu zuen Eresbilen. Horri esker, musika ondarea kudeatu, zaindu eta zabaltzeko lanetan sakontzeko aukera izan du.

Donostian 1971n jaioa. Ikasketaz kazetaria, hainbat komunikabidetan ibilitakoa, prentsa idatzian (Zabalik, Irutxulo, Irutxuloko Hitza), telebistan (ETB, Localia), Irratian, (Cadena SER, Egin irratia). Euskadiko Filmategia elkartearen bazkide ohia eta 2009tik Euskadiko Filmategiko zuzendari-kontserbatzailea. Euskal zinemaren inguruko hainbat hitzaldi eta aurkezpen egindakoa. Materiale zinematografiko totokimiko eta digitalen kontserbazioan aditua, Euskadiko Filmategiaren artxiboak Donostiako Tabakalera eraikinian duen artxiboaren arduraduna da 2009. urtetik.

Deustuko Unibertsitateko Geografia eta Historiako lizentziaduna eta UOCen Dokumentazioko lizentziaduna da. Horrez gain, Deustuko Unibertsitateko “Kultur Baliabideen Kudeaketa” graduondoko titulua, Jaume I Unibertsitateko “Dokumentazioko Antolaketa eta Kudeaketako espezialista” titulua, Museoetako Dokumentazio Masterra, “UDIMA” ikastaroa eta “Museoetako Dokumentazio Masterra” tituluak eskuratu izan ditu formakuntza osagarri gizaz. Bere ibilbide profesionalaren zati handi bat Euskal Herriko Liburutegi Publikoen eremuan garatu du. Gaur egun, Gordailun egiten du lan, Ondare Bildumen eta Ikastetxeko Inbentarioaren dokumentazioaren arduradun gisa eta Dokumentazio Zentroa sortzeko proiektua abian jartzeko. Halaber, hainbat proiektu dokumentaletan parte hartzen du, hala nola Artium Museoak antolatutako Arte Garaikideko Dokumentazio Topaketetan.

Filologia Klasikoan lizentziatua. Liburutegietako Teknikarien Kidegoko karrerako funtzionarioa 1999. urteaz geroztik. Espainiako Liburutegi Nazionaleko Eskuizkribu, Inkunable eta Arraroen Saileko artxibo pertsonalen bildumaren arduraduna 2002. urteaz geroztik eta 2013. Urtetik aurrera liburutegi bereko Eskuizkribu eta Inkunableen Zerbitzuko burua. 2012ko otsailean, Espainiako Elizako Liburuzainen Elkarteak (ABIE) deitu eta Ignacio Larramendi Fundazioak babesten duen Liburuzainen Praktika Onen Ignacio Larramendi saria jaso zuen, Mesedeetako ordenaren ondare bibliografikoa antolatzeko eta katalogatzeko proiektuan egindako aholkularitza-lanagatik. Bere ikerketa-lanak bi esparru horietan oinarritzen dira. Alde batetik, inprimaki zaharrekin lotuta, hainbat argitalpenetan parte hartu du, besteak beste, BNEn gordetzen den Orduen Liburu inkunablea aztertzen eta Gaztelako probintziako eta Aragoiko probintziako Mesedeetako Ordenaren inprimaki zaharren bildumarekin zerikusia duten argitalpenetan; bestetik, «Liburutegi Nazionaleko bilduma bereziak» sailean parte hartu du, espainiar kulturako hainbat egileren artxibo pertsonalen inbentarioak argitalpenean —Juan Antonio de Zunzunegui, Corpus Barga, Juan Luis Estelrich eta Concha Lagos poeta

Sancho el Sabio Fundazioaren (Vitoria-Gasteiz) zuzendaria, euskal kulturari buruzko dokumentazio-zentroa. 1964an sortu zen, eta gaur egun Fundación Vital Fundazioari lotuta dago. Erabiltzaileen azterketari, ondare bibliografikoko funtsen digitalizazioari, dokumentazio grafikoari eta artxibo historikoari buruzko jardunaldi profesionaletan txostenak egin ditu, bai eta funts dokumentalak zabaltzeko proiektuak ere.