Nola egin programazio didaktiko praktikoa lehen hezkuntzan eta haur hezkuntzan: planak, proiektuak eta protokoloak

Ikastaro honek Eusko Jaurlaritzako Hezkuntza Saileko baliozkotzea du (2268170028 kod.) unibertsitateaz kanpoko irakasleentzat. Nafarroako Gobernuaren Hezkuntza Sailaren  baliozkotzea ere  dauka irakasleen etengabeko prestakuntza gisa.

Ikastaroa euskaraz emango da, baina material batzuk gaztelaniaz erabiliko dira

Ikastaro honen helburua programazio didaktiko bat antolatzea eta egitea da. Ikastaroaren ezaugarri nagusia ikasgela bakoitzaren errealitatera egokitzeko aukera da. Egitura, analisia, behaketa, metodologia desberdinak, koordinazioak eta ebaluazioa landuko dira, hezkuntza inklusibo eta kalitatezkoaren ildoei jarraituz.  Beraz, aniztasuna, LOMLOEk dakartzan aldaketak eta Ikaskuntzaren Diseinu Unibertsalak (DUA) ezartzen dituen oinarriak izango dira jomugan. Ikastaro honen bidez

• LOMLOEren oinarriak, horrek dakartzan aldaketak eta programazioan modu praktikoan nola islatu ikusiko ditugu.
• Programazio batek izan behar dituen puntuak errepasatuko ditugu, zertan oinarritzen diren eta ikasgelako errealitatera nola egokitzen diren.
• Programazioa DUAk (Ikaskuntzaren Diseinu Unibertsala) ezartzen dituen ildoen arabera landuko dugu, ikasteko, adierazteko, komunikatzeko eta parte hartzeko erritmo eta moduei erantzungo dien programazio inklusibora hurbilduz.
• Hainbat plan, proiektu eta protokolo ikusiko ditugu: helburuak, noiz eta nola erabili, eta jardueren eta ekintzen adibideak.
• Ebaluazio inklusiboan murgilduko gara, tresnak partekatuz, IKTen bidezko ebaluazioa eginez, guztiontzako ebaluazioa eginez.
• Ikastaroa amaitzeko, indize bat egingo dugu programazioaren ideia nagusiekin.