Unitate didaktiko digitalak: oinarriak, diseinua eta ebaluazioa

Hezkuntza Bereziko Magisteritzan diplomatua (2004), IKTak formazioan aplikatuta masterduna (2006), Komunikazio eta Hezkuntza Sarean masterduna (2012), eta Komunikazioan eta Hezkuntzan doktorea (2017): Konpetentzia Digitala, Norbere Ikas-Alorra (NIA) eta Erakundearen Ikas-Alorra (EIA) dira bere ikerlerroak. Hainbat zereginetan ibili izan da: irakasle, aholkulari, editore, ikasmaterial-egile... baina teknologia digitalaren ikuspegi pedagogikoa da bere interesgunea, eta zeregin guztietan ardatz horri eusten saiatzen da. Gaur egun, Mondragon Unibertsitateko HUHEZI Fakultateko irakaslea eta ikerlaria da, KoLaborategiko kidea. Gainera, UEUk eta EHUk eskaintzen duten HEZikt graduondokoan irakaslea, koordinatzailea eta Batzorde Akademikoko kidea da.

Aplikazio informatiko garatzailea (2005), HTML5 eta CSS3-n aditua (2014), Lehen hezkuntzako irakasle graduatua (2015). Lan munduan hainbat lanetan ibilia da: administrazio- eta hezkuntza-lanetan aritu da. Hezkuntzarekin zerikusia dutenen artean, dinamizatzailea eta irakaslea izandakoa da. IKTek hezkuntzarengan duten eragin positiboan sinisten du, eta horiek hezkuntzan nola integratu ikertzen ari da, irakasleei formazio egokia eskaintzeko.

Lehen Hezkuntza, Heziketa Fisikoan graduatua (EHU, 2014). Hainbat ikastetxetan irakasle izanik, ikasten eta ikertzen jarraitu nahi zuenez, Berrikuntza didaktiko-metodologiko proiektuen garapena eta kudeaketa hezkuntza erakundeetan masterra ikasi zuen (MU, 2018). Kirolaria eta kirolzalea da. Azken bi ikasturteetan Eskola Kiroleko entrenatzaileen formatzaile izan zen Lizardi Institutuan Hauspoa proiektuaren baitan. IKTak eta hezkuntza beti izan dira bere pasioa, eta hori da formakuntza saioen bitartez irakaslegoari transmititzen saiatzen dena. Egun IKT on-en aholkularia da.

Lehen Hezkuntza, Atzerriko Hizkuntzan graduatua (MU, 2016). Hainbat ikastetxetan ingelerako irakasle izanik, ikasle guztiei erantzuna eman nahian, Hezkuntza Berezia ikasi zuen (CJC, 2017). Metodologia berritzaileen inguruan ikertzen eta ikasten eman ditu azken bi urteak. IKTak eta hezkuntza dira bere interesgune eta pasio handienak, eta formakuntza saioen bitartez hori transmititu nahi izaten dio irakaslegoari. Egun, aholkularia da IKT on-en.