Ateak Ireki Dantzan / Dancing

Ingeniaritza Telematikoan katedraduna da UPV/EHUn. Errektorea izan zen (2009-2017), eta lehenago, Unibertsitate-Enpresako errektoreordea (1998-2000), Akademia Antolakuntza arloaren errektoreordea (2004) eta Bizkaiko Campuseko errektoreordea (2005-2008). 1984an eta 1985ean Visiting Fellow Kaliforniako Stanford Research Institutuan (SRI). 2004an sei hilabetez irakasle bisitari Massachusetts-eko Institutu Teknologikoko MediaLab laborategian. 2017an, Boise State University-ko (BSU) Eloise Garmendia Bieter katedraz jabetu zen. Bere ikerketa-ibilbidean hiru lerro hauek landu ditu: adimen artifiziala, ikusmen artifiziala eta telekomunikazio-sareetako segurtasuna. Orain ingeniaritza telematikoaren arloko I2T ikertaldeko kidea da. 1999an “Programazioaren oinarriak” testuliburuaren egilea da, eta 2021ean “Sareetan zehar dantzan Java erabiliz” liburuaren egilekidea. Bestalde, diasporako euskal balioei buruzko hausnarketa gauzatzen duen “Bai, bagara!” dokumentalaren sortzailea eta gidoigilea da, eta dantzari buruzko “Lur hau gurea” dokumentalaren sortzailea. Gaur egun, PuntuEus fundazioaren presidentea eta sortzaileetako bat da, eta Jakiunde izeneko zientzia, arte eta letren akademiako ohorezko jakituna da.

Oier Araolaza Arrieta (Elgoibar, 1972) dantzaria da. Eibarko Kezka eta Donostiako Argia dantzari taldeetan aritzen da. Urbeltzen zuzendaritzapean Argiaren Alakiketan (1991), Kondharian (1997), Axuri Beltza (2008) eta Martin Zalakain (2017) ikuskizunetan aritu da dantzari. Dantzan.eus webgunearen sortzailea eta editorea da. Informazio Zientzietan (EHU, 1995) eta Gizarte eta Kultura Antropologian lizentziatua (EHU, 2000), Musikologian egin du masterra (EHU, 2008), Artearen Historian Ikasketa Aurreratuen Agiria (EHU, 2010), eta doktore tesia Gizarte Komunikazioan (EHU, 2020) euskal dantza eta generoa ikertuz Mikel Laboa katedraren babesean. Euskal dantza irakasle izan da Dantzertin (2017) eta EHUn Euskal Dantzari buruzko ikasketetan (2016-2017). Euskal dantzaz hainbat artikulu idatzi ditu Argia, Berria eta Dantzan-en, eta hiru liburu argitaratu ditu: Gregorio Santa Cruz dantza-maisua (Ego-Ibarra, 1998), Euskal Dantza (Etxepare, 2012) eta Genero-identitatea euskal dantza tradizionalaren eraikuntzan (UEU, 2020). 2012tik Eusko Jaurlaritzaren Kulturaren Euskal Kontseiluko kidea da.

Dantzaria, dantza-maisua, eta sasi-musikaria. Arkitektura ikasketak bukatuta hamarkada bateko jardun profesionalaren ostean afizioa ofizio bihurtu nuen Dantzan elkartean, dantzaren sustapen eta hedapenean, egun Dantzan Ikasi formazio programaren koordinazio eta kudeaketa orokorreko lanetan. Eibarko Kezka Dantza Taldean hazia euskal dantzen teknika eta errepertorioan. Bide paraleloan Argia taldeko partaide 1997az geroztik Juan Antonio Urbeltz eta Marian Arregiren gidaritzapean hainbat proiektutan eta ikuskizunetan parte hartuz; besteak beste "Martin Zalakain" (2017-2022) ikuskizuna Ander Lipus eta Arkaitz Canorekin batera, eta "Dantza" (2018) pelikula Telmo Esnal eta Koldobika Jauregiren ondoan. Dantzertin, Arte Dramatiko eta Dantza Goi Eskolan, irakaslea naiz (2017 - ) euskal dantzako ibilbideko ikasgai teoriko nahiz praktikoetan. Hainbat dantza talde eta musikariekin aritu izan naiz elkarlanean. Aiko eta MP5 taldeetan aritzen naiz ahal den heinean gure herrietako plazak dantza araziz musikari zein gidari lanetan.

Ingeniaritza Telematikoan katedraduna da UPV/EHUn. Errektorea izan zen (2009-2017), eta lehenago, Unibertsitate-Enpresako errektoreordea (1998-2000), Akademia Antolakuntza arloaren errektoreordea (2004) eta Bizkaiko Campuseko errektoreordea (2005-2008). 1984an eta 1985ean Visiting Fellow Kaliforniako Stanford Research Institutuan (SRI). 2004an sei hilabetez irakasle bisitari Massachusetts-eko Institutu Teknologikoko MediaLab laborategian. 2017an, Boise State University-ko (BSU) Eloise Garmendia Bieter katedraz jabetu zen. Bere ikerketa-ibilbidean hiru lerro hauek landu ditu: adimen artifiziala, ikusmen artifiziala eta telekomunikazio-sareetako segurtasuna. Orain ingeniaritza telematikoaren arloko I2T ikertaldeko kidea da. 1999an “Programazioaren oinarriak” testuliburuaren egilea da, eta 2021ean “Sareetan zehar dantzan Java erabiliz” liburuaren egilekidea. Bestalde, diasporako euskal balioei buruzko hausnarketa gauzatzen duen “Bai, bagara!” dokumentalaren sortzailea eta gidoigilea da, eta dantzari buruzko “Lur hau gurea” dokumentalaren sortzailea. Gaur egun, PuntuEus fundazioaren presidentea eta sortzaileetako bat da, eta Jakiunde izeneko zientzia, arte eta letren akademiako ohorezko jakituna da.

Bigarren hezkuntzako irakaslea eta dantzaria. Informazio zientzietan lizentziatua (EHU, 1996), Beasaingo Aurtzaka dantza taldean hasi zen dantzan orain 45 urte eta egun taldeko lehendakaria da. New York-eko euskal etxeko dantza taldean (1999) dantza egin du eta; Arrateko Amaren Kofradiako Ohorezko kidea ere bada 2013.urtean izendatua. Dantza irakaslea Aurtzakan hainbat urtez (1986-1991) eta ikastetxeetan (2019-2023), gaur egun Beasaingo Loinatzetako dantzari txikiekin eta Asmube elkartean. Beasaingo zenbait dantza-ekitaldiren sustatzaile nagusietakoa izan da: Igartzako dantzarien kofradia eta Beasaingo sanjoanetako esku-dantza, besteak beste. Dantza Beasainen. Aurtzakak 25 urte (2004) liburuaren kolaboratzaile baita Beasaingo neskatxen San Joan esku-dantza. Naturarekin dantzan (2013) DVD-liburuxkan ere Dantzaguneko Sortutakoak sarian epai mahaikide 2019an eta 2021ean “Azken dantza maisua” dokumentalean ekoizpen lanetan kolaboratzaile. Euskal dantza tradizionalaz gain, Arteriako bilatzailearen erabilera sustatzeko beka irabazi zuen 2021ean Beasaingo DBH2.mailako ikasleekin aurrera eramandako Kolorekultura dantza proiektuarekin.

Mendi-Ingeniaria ikasketaz eta lanbidez. Beasaingo herriko tradizioan 1972an hasi zuen dantzari ibilbidea, 1974an Salleko Adiskideak-en, 1979tik aurrera Aurtzaka dantza taldean eta bertako zuzendaria gaur egun. R. Gamayo, M. Iraola eta J. M. Garate dantza-maisuekin ikasia. Madrileko Euskal-Etxeko taldeko dantza-maisua (1983-1989), eta Argia, Jakintza eta Ostadar taldeetan dantzari; Arrateko Amaren eta Andoaingo Santakruz Kofradietako Ohorezko kidea; nazioarteko partaidetzak (Lyongo Dantzaren 5. Biurtekoa, La Habanako 11. Nazioarteko Ballet Jaialdia, Reggio Emiliako Espainiar Dantzaren Gala 1988); zazpi urtez Euskadiko gipuzkoar aurresku txapelduna (1984-1991). Dantza-maisu gisa bultzatu ditu, besteak beste: Igartzako dantzarien kofradia, Beasaingo sanjoanetako esku-dantza, Goierriko agintarien soka-dantzak eta “Goierriko” dantzen ikuskizuna. Gipuzkoako dantza sistemaren eta dantzen ikerlari 25 urtez, hainbat argitalpen, artikulu, hitzaldi eta ikastaroen egile: Dantza Beasainen... (2004); Beasaingo San Joan esku-dantza (2013); “Loinazko San Martin ezpata-dantza” (2014); Azken dantza maisua (2022); Gipuzkoako dantza-maisuen puntuak eta aldairak (2023).