Basque Culture International Summer School

Marta Kopinska irakasle laguntzailea da Euskal Herriko Unibertsitateko (UPV/EHU) Ingeles eta Aleman Filologia eta Itzulpengintza eta Interpretazio Sailean. Etnolinguistikan lizentziaduna da Poznango Adam Mickiewicz Unibertsitatean (AMU, Polonia), eta doktorea Hizkuntzen Eskurapena Testuinguru Eleaniztunetan (LAMS) UPV/EHUn. Language and Speech (LASLAB, UPV/EHU) ikerketa-taldeko kidea da, eta gaur egun banakako desberdintasunei eta ingelesa atzerriko hizkuntza gisa eskuratzeari buruzko hainbat ikerketa-proiektutan parte hartzen du. Bere ikerketa-interesen artean daude, besteak beste, soziolinguistika, ingelesa atzerriko hizkuntza gisa (EFL) eta bigarren/hirugarren hizkuntza gisa eskuratzea, hizkuntza-jarrerak eta motibazioa, banakako desberdintasunak SLAn, hezkuntza eleanitza eta CLIL, eta ingelesa hirugarren mailako hezkuntzan irakasteko bitarteko gisa (EMI). Euskaltzalea ere bada.

Amerikaren Historiako irakasle titularra da, Euskal Herriko Unibertsitateko Filologia eta Historia saileko kidea, Gasteizko Letren Fakultatean. Bere ikerketa lerro nagusia euskal diasporaren historia da. Atzerriko hainbat unibertsitatetan irakasle inbitatua izan da, besteak beste Oxfordeko unibertsitatean (Basque Visiting Fellow, 2008-2009), Nevada-Renoko Unibertsitatean (William Douglass Distinguished Scholar, 2010-2011), Georgiako Columbus State University-en (Elena Díaz-Verson Amos Eminent Scholar Chair in Latin American Studies, 2013-2014) eta Estokolmoko Unibertsitatean (Magnus Mörner Memorial Professorshio, 2016-2017). Euskal Herriko Unibertsitateko Euskal Diasporaren Graduondokoaren zuzendaria da.

Oier Araolaza Arrieta (Elgoibar, 1972) dantzaria da. Eibarko Kezka eta Donostiako Argia dantzari taldeetan aritzen da. Urbeltzen zuzendaritzapean Argiaren Alakiketan (1991), Kondharian (1997), Axuri Beltza (2008) eta Martin Zalakain (2017) ikuskizunetan aritu da dantzari. Dantzan.eus webgunearen sortzailea eta editorea da. Informazio Zientzietan (EHU, 1995) eta Gizarte eta Kultura Antropologian lizentziatua (EHU, 2000), Musikologian egin du masterra (EHU, 2008), Artearen Historian Ikasketa Aurreratuen Agiria (EHU, 2010), eta doktore tesia Gizarte Komunikazioan (EHU, 2020) euskal dantza eta generoa ikertuz Mikel Laboa katedraren babesean. Euskal dantza irakasle izan da Dantzertin (2017) eta EHUn Euskal Dantzari buruzko ikasketetan (2016-2017). Euskal dantzaz hainbat artikulu idatzi ditu Argia, Berria eta Dantzan-en, eta hiru liburu argitaratu ditu: Gregorio Santa Cruz dantza-maisua (Ego-Ibarra, 1998), Euskal Dantza (Etxepare, 2012) eta Genero-identitatea euskal dantza tradizionalaren eraikuntzan (UEU, 2020). 2012tik Eusko Jaurlaritzaren Kulturaren Euskal Kontseiluko kidea da.

Kimika Zientzietan lizentziatua Zaragozako Unibertsitatean (1982). Kimika Zientzietan Doktorea UPV/EHUn (1986). UPV/EHUko Kimika Organikoko katedraduna. Kimika Fakultateko dekanoa (1999-2001) eta UPV/EHUko Nazioarteko Ikerketa eta Harremanetarako errektoreordea (2001-2003) izan da. 2009. urteaz geroztik, Ikerbasqueko (zientziak aurrera egiteko euskal fundazioa) Zuzendari zientifikoa da. Nazioarteko 230 argitalpenen, nazioarteko 11 asmakuntza patenteren eta 5 libururen egilea). Sari eta sari garrantzitsuenak: kimika Terapeutikoko Espainiako Elkartearen Almirall Saria (1987), Euskoiker Saria (2005), Espainiako Kimikako Errege Elkartearen Ignacio Rivas Domina (2011), Espainiako Kimikako Errege Elkartearen Janssen-Cilag España Ikerketa Saria (2013). Zaragozako Zientzia Zehatz, Fisiko-Kimiko eta Naturalen Errege Akademiako akademiko urgazlea (2016). Europako Ikerketa Kontseiluaren (ERC) Synergy grant bat jaso du 2020an, eta Euskadi Ikerketa Saria 2020.

Nerea Eizagirre Telleria (Zumaia, 1992). Literaturaren Teoria eta Literatura Konparatuan graduatua (UB). Euskal Ikasketen programako doktoregaia da egun; EHUko Hizkuntzalaritza eta Euskal Ikasketen (HEIS) eta Renoko Unibertsitateko "Center for Basque Studies" sailen artean idazten ari da tesia, kotutoretzan.

Ingeniaritza Telematikoan katedraduna da UPV/EHUn. Errektorea izan zen (2009-2017), eta lehenago, Unibertsitate-Enpresako errektoreordea (1998-2000), Akademia Antolakuntza arloaren errektoreordea (2004) eta Bizkaiko Campuseko errektoreordea (2005-2008). 1984an eta 1985ean Visiting Fellow Kaliforniako Stanford Research Institutuan (SRI). 2004an sei hilabetez irakasle bisitari Massachusetts-eko Institutu Teknologikoko MediaLab laborategian. 2017an, Boise State University-ko (BSU) Eloise Garmendia Bieter katedraz jabetu zen. Bere ikerketa-ibilbidean hiru lerro hauek landu ditu: adimen artifiziala, ikusmen artifiziala eta telekomunikazio-sareetako segurtasuna. Orain ingeniaritza telematikoaren arloko I2T ikertaldeko kidea da. 1999an “Programazioaren oinarriak” testuliburuaren egilea da, eta 2021ean “Sareetan zehar dantzan Java erabiliz” liburuaren egilekidea. Bestalde, diasporako euskal balioei buruzko hausnarketa gauzatzen duen “Bai, bagara!” dokumentalaren sortzailea eta gidoigilea da, eta dantzari buruzko “Lur hau gurea” dokumentalaren sortzailea. Gaur egun, PuntuEus fundazioaren presidentea eta sortzaileetako bat da, eta Jakiunde izeneko zientzia, arte eta letren akademiako ohorezko jakituna da.

Soy profesora de la Universidad del País Vasco (UPV/EHU) y presidenta de la Asociación vasca de Antropología, Ankulegi. Mis principales temas de investigación han sido el deporte, las solidaridades sexuales y los mundos animales. Respecto al primero de ellos, soy autora de Raquetistas. Gloria, represión y olvido de las pelotaris profesionales (San Soleil, 2022), y Pelota Vasca: un ritual, una estética (Muelle de Uribitarte, 2005), publicado en inglés en 2012 como Basque Pelota: a ritual, an aesthetic (CSB, UNR). También he dirigido, junto al cineasta danés Jørgen Leth, Pelota II (2015) y he realizado la dirección científica de la exposición Jokoak. Materia y desafío, celebrada en el Museo de San Telmo en 2016.

Ainhoa Urzelai Vicente (Arrasate, 1995) Euskal Ikasketetan graduatu zen (2017) Euskal Herriko Unibertsitatean eta Euskal Hizkuntzalaritza eta Filologia Masterra egin zuen (2018) unibertsitate berean. Halaber, Derrigorrezko Bigarren Hezkuntzan, Batxilergoan, Lanbide Heziketan eta Hizkuntzen Irakaskuntzan Irakasle Gisa Aritzeko Gaitzen duen Masterra egin zuen (2019) Mondragon Unibertsitatean eta bere lanak ikasketa amaierako euskarazko lan onenaren saria eskuratu zuen. Euskal kulturgintzaren transmisioan aditu titulua erdietsi zuen (2019) Mondragon Unibertsitatean eta egun doktoregaia da Euskal Hizkuntzalaritza eta Filologia doktorego programan (UPV/EHU). Gatazka politiko-armatuen errepresentazioa euskarazko haur eta gazte literaturan aztertzen dihardu bere doktorego tesian eta horretarako Espainiako Gobernuak ematen duen doktorego-aurreko diru-laguntza jasotzen du. Ikerketa eginaldiak egin ditu Alemaniako Universität Konstanz-en, Universitat de Valèncian (UV) eta Baionako IKER UMR 5478-CNRS-n. Eskolak eman ditu UPV/EHUn, Université Bordeaux Montaignen, Deustuko Unibertsitatean eta Mondragon Unibertsitatean.