Komunitateak ehunduz herri ekimenetatik

Medikuntzan eta Kirurgian lizentziatu (EHU, 1983) eta Familia Plangintza zentro batean lan egin zuen Basaurin (Bizkaia). 1993. urtean Kultur Antropologian doktore titulua lortu zuen Bartzelonako Universitat-ean. 1998tik aurrera EHUn lan egiten du, non Gizarte Antropologia irakasle titularra eta Ikasketa Feministak eta Generokoak doktorego programako, eta AFIt-Antropologia Feminista Ikerketa Taldeko koordinatzailea den. Bere argitalpenen artean hauexek nabarmen daitezke: Antropología del cuerpo. Género, itinerarios corporales, identidad y cambio (Edicions Bellaterra, 2004), Crítica del Pensamiento Amoroso (Edicions Bellaterra, 2011) eta Feminismoa eta politikaren eraldaketak (Susa, 2017). Bi poema-liburu ere idatzi ditu: Amaren heriotzak libreago egin ninduen (Pamiela, 2013) eta Andrezaharraren manifestua (Pamiela, 2019). AFIT Antropologia Feminista Ikerketa Taldeko koordinatzailea da.

Antropologoa eta doktorea Ikasketa Feministak eta Generokoetan (UPV/EHU, 2016), irakasle dihardu Balioen Filosofia eta Gizarte Antropologia Sailean (UPV/EHU). Historia (UPV/EHU, 2006) zein Gizarte eta Kultur Antropologia (UPV/EHU, 2008) ikasi ondoren, Ikasketa Feministak eta Generokoak masterra (UPV/EHU, 2010) egin zuen. Gero, doktoregoa egiteari ekin zion, eta emaitza Kartzela genero-erakunde bezala: genero-bereizkeriak, erresistentzia-praktikak eta agentzia Euskal Herrian espetxeratutako emakumeen artean (2016) doktore-tesia izan zen, non Arabako, Iruñeko eta Martuteneko kartzelatan itxitako emakumeen bizipenak jorratzen dituen. Doktore-tesiaz harago, lehen urratsak honako ikerketen egilekide gisa eman zituen: “Emakumeek Tolosako Historiari egindako ekarpenak” (Tolosako Udala, 2008-2009), “Emakumeak Irunen (1931-1992): euren memorien etnografia” (Irungo Udala, 2009-2011) eta “Emakume preso ohiak: hauskortasuna eta autonomia” (Emakunde, 2011-2012). AFIT ikerketa-taldeko kidea da.

Nafarra jaiotzez eta gipuzkoartuta azken urteetan. Soziologiako ikasketak egin nituen aspaldi, baina nire benetako ikasketak herrigintzan egin ditut. Gazte eta gaztetxe mugimenduetan aspaldi, eta azken 20 urteetan Euskal Herriko Bilgune Feministan eta Emagin Elkartean. Mugimendu feministaren historian murgildu nintzen orain dela urte batzuk “Gure Genealogia” feministak osatzeko (liburu bat argitaratu genuen izen berarekin). Azken urteotan zaintza lanen esparruan buru belarri nabil.

Soziologian lizentziatua eta Ikerketa Feministak eta Generokoak masterra egindakoa (UPV/EHU). Soziologia II departamenduko irakasle eta doktorego ikaslea Ikerketa Feministak eta Generokoak programan. “Universities Supporting Victims of Sexual Violence (USVSV)” eta GAP Work europar proiektuetan aritutakoa. Ikuspegi feminista intersekzional eta queer batetik jarduten du genero eta sexualitatearen inguruan sortzen diren botere harremanen azterketan. 2012an “Gizon taldeak eta maskulinitatearen inguruko diskurtsoak” tesina bukatzen du eta 2017an lan horretan oinarrituriko “Masculinidades y feminismo” liburua argitaratzen Virus argitaletxean. Gaur egun LGTBQ+ pertsonen esperientzia eta aktibismoak aztertzen ditu bere doktorego tesiaren bidez. SIMReF ikerketa metodologia feministaren inguruko mintegi iraunkorreko kidea da (simref.net)

Margaret Bullen (Nedging, Suffolk, Erresuma Batua, 1964) 1991. urtetik Euskal Herrian bizi den antropologo britainiarra da. Filologia Hispanikoa eta Frantsesean lizentziatua (University of Bristol, 1987), Gizarte Antropologian doktorea (Institute of Latin American Studies, University of Liverpool, 1991). Euskal Herriko Unibertsitatean 2005etik gizarte antropologia irakasten du eta egun Hezkuntza, Filosofia eta Antropologia Fakultatearen dekano-ordea da, Practicuma eta Garapenerako Lankidetza koordinatzen duena. Farapi, antropologia aplikatuaren kontsultarako kide fundatzailea da. University Studies Abroad Consortium (USAC) patzuergoan kolaboratzeailea da eta Renon argitaratutako Basque Gender Studies (2003) egilea. Iker lerroak genero, jaiak eta erritualak alde batetik; immigrazioa, hizkuntza eta aniztasuna bestetik. Azken urteotan, Gipuzkoako jaietan emakumeek bultzatu diren aldaketen inguruan ikertu du (Bidasoaldeko Alardeak, Antzuolako Mairuaren Alardea, Donostiako Danborrada…).

Magisteritza ikasketak egin zituen. Egun pailazo edo narratzaile gisa aritzen da. 8 urtez bakarka nahiz taldean ipuin kontalaritza eta klown antzerkia landu ondoren 2005.urtean talde propioa sortu zuen Cesar Marcosekin batera. Ordutik ipuin kontalaritzan aritzen dira: narrazioa eta ilustrazioa uztartuz, Klown inprobisaketak egiten aritzen da. Azken urteotan bakarrizketak egiteari ekin dio.

Profesora en el grado de Antropología Social, departamento de Filosofía de los Valores y Antropología Social de la UPV/EHU. Diplomada en Educación Social, licenciada en Pedagogía, en Antropología Social y Cultural, y magíster en Estudios Feministas y de Género, UPV/EHU. Las líneas de investigación que le interesan son: teoría social del cuerpo y de las emociones, antropología de la medicina y la salud, sistemas de género, epistemologías feministas y corporales, procesos de agencia y cambio social. Recientemente ha coordinado el libro «Festak, genero-harremanak eta feminismoa. Begirada teoriko eta antropologikoak, praktika sortzaileak eta plazeraren kudeaketa kolektiboak» (UEU, 2017) (Fiestas, relaciones de género y feminismo. Miradas teóricas y antropológicas, prácticas creadoras y gestiones colectivas del placer). Forma parte del Grupo de Investigación en Antropología Feminista AFIT-Antropologia Feminista Ikerketa Taldea UPV/EHU, y de la Asociación Vasca de Antropología Ankulegi

Jone M. Hernandez Gizarte Antropologiako irakaslea da Euskal Herriko Unibertsitatean. Euskara, euskal kultura, gazteria, aisialdia eta kirolari loturiko gaiak aztertu izan ditu, genero ikuspegia eta teoria feminista erabiliz gehienetan. Egun, emozioak eta gorputza bezalako gaiak ditu interesgune. Horretan ari da garatzen bere begirada, bai bertsolaritzari, bai euskal kulturari orokorrean. https://www.ehu.eus/eu/web/filosofia-hezkuntza-zientziak/hernandez-garcia-jone-miren

Soziologian doktorea, UPV/EHUko Soziologia eta Gizarte Langintza Saileko irakaslea, eta Parte Hartuz ikerketa taldeko kidea. Bere ikerketa ildo nagusia abertzaletasunaren eta immigrazio berriaren arteko hartu-emanak izan dira ('Euskal nazionalismoaren diskurtsoa gaur egungo immigrazioaren aurrean', doktorego tesia, 2013); eta Hego Euskal Herrira iritsitako aurreko migrazioek eztabaida politikoan izandako eragina ere ikertu du ('Conflicting nationalist traditions and immigration: the Basque case from 1950 to 1980'). Parte Hartuz ikerketa taldearen baitan, Euskal Estatuari buruzko lanetan ('Euskal Estatua irudikatzen', 2016) nahiz euskal gazteen parte hartze politikoari buruzkoetan ('Parte hartu ala paso egin? Gazteen ikasketa politikoak aztergai', 2019) hartu du parte, besteak beste.

EHUko Politika Zientzietako irakaslea eta Parte Hartuz ikerketa taldeko kidea