Streaming bidezko musika. Musikaren negozioa aro digitalean eta haren zaintza etorkizunerako kultur adierazpen gisa

Donostian jaio zen, 1965ean. Geografia eta Historiako lizentziaduna da, Musikologiako espezialitatekoa, Oviedoko Unibertsitatean. 1991n, ERESBILeko Euskal Musikaren Artxiboko (Errenteria – Gipuzkoa) teknikari dokumentalista postua eskuratu zuen, eta, horri esker, musikologo gisa garatu ditu bere bi arloak, eta modu profesionalean lantzea dokumentuen tratamendua. Bere ikerketa-lanaren artean, Musiker, Kantuz eta Dantzariak aldizkarietan, besteak beste, musikaren inguruko artikuluak argitaratzea azpimarratu behar da. Artxiboei dagokienez, azpimarratzekoa da liburutegi eta dokumentazio arloan ikastaro espezializatuak egiteko eta antolatzeko inplikazioa izan duela, eta lankidetza aktiboa izan duela AEDOM (Musika Dokumentazioaren Espainiako Elkartea), IAML (Musika Liburutegien Nazioarteko Elkartea) eta ALDEE (Euskadiko Liburuzain eta Artxibozainen Elkartea) bezalako elkarte profesionaletan. 2020. urtean zuzendari kargua hartu zuen Eresbilen. Horri esker, musika ondarea kudeatu, zaindu eta zabaltzeko lanetan sakontzeko aukera izan du.

Imanol Arana (Vitoria-Gasteiz, 1959) – 1989tik Eusko Jaurlaritzan lan egin du, lehenik Hezkuntza Sailean eta azken 25 urteetan Kultura Sailean. Besteak beste, musikaren arloaz arduratu da: sektoreko eragileekiko harremana, dirulaguntzen kudeaketa, zabalkunde-programak, eta abar. Kultura Sailaren plan estrategikoen esparruan, Euskalerriko musika sustatzeko eta laguntzeko ekimenen diseinuan eta garapenean sektoreko eragileen parte-hartze zuzena bultzatzeko lan egin du.

Andres Camio "Jitu” Irunen (Gipuzkoa) jaio zen 1965ean, eta bizitza profesionala musikagintzan garatu du. 1984an hasi zen Kortaturekin harremanetan, taldearen road manager gisa. 1991n, Bertso-Hop musika, komiki eta arropa dendan parte hartu zuen, eta horren inguruan hainbat kultur proiektu garatu zituen. 1991n Esan Ozenki records sortu zen. Lehen urteetan, Bertso-hop, Esan Ozenkiren ekoizpena eta promozioa eta Negu Gorriak taldearen road-manager lanak uztartu zituen. 1997an parte hartu zuen proiekturik handienetako batean murgildu zen: Fermin Muguruza eta Dut: Ireki ateak. Diskoa eta nazioarteko bira (7 hilabete/Europa eta Amerikako 16 herrialde). Fermin Muguruzak 1999, 2000 eta 2001 urteetan egin zituen nazioarteko birak ere koordinatu zituen. Esan Ozenki itxi ondoren, 2001ean, Metak zigilua sortu zen, eta haren ekoizpen-zuzendaria izan zen 2006ra arte, desegin zen arte. 2006an, Elkarren hasi zuen bere lan ibilbidea. 2020ra arte, Elkarren ekoizpen-buru eta grabazio-estudioaren arduraduna izan zen, eta, egun, Elkar argitaletxeko musika-arloko zuzendaria da.

Carlos Galán, Subterfuge Records-en - azken 30 urteetako diskoetxe independente garrantzitsuena - sortzaile eta zuzendari exekutiboa da. Bere katalogotik Dover, Fangoria, Marlango, Los Fresones Rebeldes, Najwajean, La Love You, Los Ronaldos, McEnroe, Niña Polaca edo Anni B Sweet bezalako izenak igaro dira. Musikaren industriak aro berrira egokitzeko 360º estrategiaren aitzindari eta dinamizatzaile izan da. Bere azken abentura arrakastatsua "Subterfuge Radio" podcasting plataforma izan zen, formatuaren erreferente bihurtu dena. Bertan, "Simpatía por la Industria Musical" podcast-a aurkeztu eta egiten du, non musikaren negozioko erreferenteak elkarrizketatzen dituen, soinu-entziklopedia moduko bat osatuz. Gainera Complutense, Carlos III eta Nebrija unibertsitateeko gradutan klaseak ematen ditu.

Amaia Ispizuak 20 urte baino gehiago daramatza zuzeneko musikaren sektorean lanean. Syntorama edo Jazzaldia bezalako enpresetan lan egin du, eta, gaur egun, 10 urte baino gehiago daramatza Get In-en ekitaldiak sustatzen. Musika-ekitaldiak bere ibilbide osoan antolatzen ditu: ticketinga, promozioa eta marketina, Business Plana, logistika, etab. Get In lanarekin batera, Musika Bulegoko eta Musika Industriaren Elkarteko (MIE) zuzendaritza-batzordeko kidea da, baita MIMeko (Mujeres en la Industria de la Música) bazkidea ere.

1962an Donostian jaio zen. Filosofian lizentziatu zen, Balioen eta Kulturaren Filosofia espezialitatean, Euskal Herriko Unibertsitatean (UPV-EHU). Ingeles Ikasketen Gradua: Hizkuntza, Literatura eta Kulturan, Urrutiko Hezkuntzako Unibertsitate Nazionalean (UNED). Kultur Kudeaketan, Bibliotekonomian eta Dokumentazioan eta bere lanbidearekin lotutako beste diziplina batzuetan ikasketak ditu, hala nola soinu ikasketetan. 1987. urteaz geroztik, ERESBIL-Musikaren Euskal Artxiboan jardun du. Gaur egun, koordinatzaile teknikoa eta soinuzko eta ikus-entzunezko dokumentuen arloko arduraduna da. Lan hori hainbat aldizkaritan katalogoak eta artikuluak argitaratzean islatu da. Era berean, soinu-grabazioen katalogazioari buruzko ikastaroak eman ditu, eta material horiekin lotutako jardunaldi eta hitzaldietan parte hartu du.

María Jesús López Lorenzo Espainiako Liburutegi Nazionaleko Musika eta Ikus-entzunezko Departamentuko Soinu eta Ikus-entzunezko Dokumentuen Zerbitzuko burua da. Nazioko eta Nazioarteko hainbat jardunaldi, hitzaldi eta kongresutan parte hartu du, eta soinu-dokumentuen kudeaketari buruzko hainbat artikulu eta argitalpen idatzi ditu. Gainera, prestakuntza-ikastaroak eman ditu Espainiako eta atzerriko hainbat erakundetan. Azken urteotan, hainbat soinu-euskarriren digitalizazio-proiektuetan lan egin du. 2016az geroztik, Musika Dokumentazioaren Elkarteko (AEDOM) Soinu Artxiboen Batzordeko koordinatzailea da, eta Madrilgo Unibertsitate Konplutentsearen (UCM) "CompluSound" Irakaskuntza Berrikuntzako Proiektua eta MKUren pianolako biribilkiak lantaldeetako kide da. 2011tik Liburutegi Nazionalean Ikus-entzunezko Ondarearen egunean urtero egiten diren jardunaldiak antolatzen ditu. Duela gutxi, "Si me queréis, ¡venirse!, Lola Flores en la Biblioteca Nacional de España" erakusketaren komisarioa izan da 2024/09/23-21/09/29.

Zientzia Fisikoetan lizentziaduna. Kataluniako Liburutegiko informatikako analista da 1996tik. Gaur egun, Informazioaren Teknologiako koordinatzailea da. 2016-2017 Informazio digitaleko baliabideak zaintzeko ikasgaiko irakaslea izan zen UOCen (Universitat Oberta de Catalunya)

Arkaitz Villar esatari lanetan aritu da Gaztea irratian eta EITB.eus-en postu ezberdinetan (Euskal Irrati Telebista Publikoa). Musikan espezializatutako hainbat komunikabidetan kolaboratzailea izan da: Entzun, Zarata – MondoSonoro, Euskadi Irratia, Radio Euskadi, Berria eta 2016tik Kultura Live (Euskal Herriko kontzertu aretoen elkartea) elkartearen koordinatzailea da. 2019an etapa berri bati ekin zion Musika Bulegoko proiektuen arduradun eta Euskal Herriko musika nazioartekotzeko Basque. Music plataformaren koordinatzaile gisa. Panelista gisa parte hartu du BIME Bilbao, Fira Trovam, BIME Bogota eta antzeko nazioarteko azoketan. Gaur egun musikaren nazioartekotzean espezializatuta dago eta aktiboki parte hartzen du EMEE edo Live DMA bezalako nazioarteko sareetan.

Iñaki Salvador (Donostia, 1962). Pianista, konpositorea, moldatzailea. Espainiako jazz musikari nagusiekin kontzertu eta grabaketetan parte hartu du. Era berean, garrantzitsua da bere nazioarteko kolaborazioen zerrenda: Allan Skidmore, Jean Toussaint, Jesse Davis, Charles Tolliver, Alvin Queen, Ute Lemper, Noa, Lalo Schifrin eta abar. Besteak beste, Donostiako "Jazzaldia", Vitoria-Gasteiz eta Getxoko jaialdiak, "Madrilgo Nazioarteko Jazzaldia" edo Baionako (Frantzia), Bukaresteko (Errumania), Quito eta Guayaquilgo (Ekuador), Manizalesko (Kolonbia), Manchesterreko (Erresuma Batua) eta Berlingo (Alemania) jaialdietan eman ditu kontzertuak, eta New Yorken ere bere musika aurkeztu du bakarka pianoan. 15 disko baino gehiago argitaratu ditu bere taldeen buru gisa, eta 100 baino gehiagotan mota guztietako talde eta bakarlarien kolaboratzaile gisa agertu da, musika klasikotik rock edo musika herrikoira. 25 urtez Mikel Laboa euskal kantagintzaren figura handiarekin lan egin zuen.