TopaGune: AHAL: Parte hartu, nahia eta ezina

Ots. 25 - 25. Ots, 2023 Kod. G02-23

Parte hartzeko aukerak eta baldintzak ematea ezinbestekoa da, eta erabat loturik dago parte hartzeko eskaintzen diren denbora, modu eta bitartekoekin. Baldintza eta ezaugarri horietako partaidetzan, nork parte hartu dezake eta nork ez?

All events

PDFa eskuratu

Azalpena

Parte hartzeko aukera eta baldintzak eman behar dira. Prestutasuna bakarrik ez baita nahikoa, eta prestutasuna bera aukera eta baldintzen araberakoa ere izan daiteke. Parte hartu nahi duen orok ezin baitu parte hartu, ezberdinkeriak lekua duen gizarteetan, bederen ez. Maila ekonomiko eta kulturalak, genero eraikuntzek, esleitutako arrazak, egoera administratiboak, adinak, gaitasun funtzionalek, sexualitateak, bizitokiak, digitalizazio mailak, mugikortasunak, hizkuntza ahalmenak eta abar luzeak eragina dute parte hartzeko baldintzetan. Ahaztu gabe, Partaidetza aukeretan elkarte zein administrazio publikoek eta sistema politikoak proposatzen duten bitarteko, denbora eta moduek ere partaidetza ahalmena handitu edo gutxitu dezaketela. Partaidetza bultzatu eta sustatzeko asmoz, balioan ipini eta aitortzeari begira, hobariak egon behar ote dira? Zeintzuk dira horren arrisku eta indarguneak? Mundu zabalean zein esperientzia daude? Gipuzkoan zein gogoeta egin dira?

Ikastaro hau “Partaidetza aztergai: nahi, ahal, jakin” solasaldi zikloaren bigarren saioa da. Zikloa “Nahi: parte hartu, ala ez parte hartu, hori da gakoa” eta “Jakin: partaidetza-on” saioekin osatzen da.

Irakurri gehiago

Helburuak

-Parte hartzea bultzatzeko nola sortu aukerak eta baldintzak: zailtasunak dituzten giza kolektiboei ahotsa eman hauen premiak eta proposamenak entzuteko.

-Zein dira arrakala nagusiak eta nola aurre egin.

-Parte hartu ahal izateko hobari eta modu ezberdinen inguruan hausnartu, aukera eta arriskuak.

-Kanpoko zein bertako esperientzietatik ikasi.

Jarduera nori zuzenduta

Publiko orokorra
Unibertsitateko ikaslea
Unibertsitarioak ez diren ikasleak
Irakasleak
Profesionalak
Partaidetza inguruan ari diren aktore desberdinei: norbanako zein kolektibo

Metodologia

Teoriatik bakarrik ez, esperientziatik ere landu nahi dugu, praktika zehatzen gainean bultzatuz hausnarketa eta gogoeta horretatik praktika berriak sortzeko.

Hitz egin eta entzuketa aktiborako ahal den eta espaziorik seguruena eta libreena eraiki nahi dugu.

Hizlari eta aditu-arituak. Bi mahai inguru: (1) Nola aitortu partaidetza? Eta (2) Partaidetza arrakala ezberdinak aztergai: Gazteak, landa eremukoak, nagusiak, migratzaileak, arrazializatuak, analfabeto digitalak, emakumeak…

Ariketa desberdinak, taldean zein plenarioan landu eta entzundako gakoen inguruan hausnartzen eta praktika berrietarako proposamenak diseinatzen.

Irakurri gehiago